Барселона доцна синоќа успеа и теоретски да го завери 25. шампионска трофеј во Примера. Каталонците славеа на гостувањето над Депортиво ла Коруња со 4:2 во претпоследниот меч од 35 коло за осигурување на двојна круна во домашната сцена во оваа сезона.
Хет-трик постигна Лионел Меси и по седми пат во кариерата ќе заврши сезона во Шпанија со преку 30 гола. Аргентинецот ја решеташе противничката мрежа во 38. минута, во 82. минута и во 85. минута, четвртиот погодок за Барса, прв на средбата беше дело на Кутињо во седмата минута. Перез во 40. минута и Емре Чолак во 64. минута. Со овој пораз, пак, Депортиво ла Коруња и дефинитивно се сели во понизок ранг за сезоната 2018/19 како и екипите на Лас Палмас и Малага.
Шанса за прослава на одбраната на тронот пред своите фанови, фудбалерите на Барселона ќе имаат во претстојното „Ел Класико“ со Реал Мадрид што е на програма наредниот викенд.
Примера, 35 коло
Депортиво ла Коруња – Барселона 2:4
Валенсија – Еибар 0:0
Алавес – Атлетико Мадрид 0:1
Хетафе – Жирона 1:1
Вилјареал – Селта 4:1
Реал Мадрид – Легањес 2:1
Реал Сосиедад – Атлетик Билбао 3:1
Еспањол – Лас Палмас 1:1
Леванте – Севилја 2:1
Бетис – Малага (понеделник, 21 ч.)
Табела: Барселона 86 (-1), Атлетико Мадрид 75, Реал Мадрид 71 (-1), Валенсија 67, Бетис 56 (-1), Вилјареал 54 (-1), Хетафе 49, Севилја 48 (-1), Жирона 48, Реал Сосиедад 46, Селта 45, Еибар 44, Алавес 41, Атлетик Билбао 40, Еспањол 40, Легањес 40, Леванте 40, Депортиво ла Коруња 28, Лас Палмас 22, Малага 20 (-1).