Кристијано Роналдо не дозволи нов пораз на Реал М. во Примера, но „кралевите“ го загубија врвот на табелата по 25 коло. Португалецот со две реализации во финишот (86 минута од пенал и во 89 минута по асистенција на Џејмс Родригез) сочува бод (3:3) за својата екипа во дуелот со Лас Палмас кој беше пред сензационален триумф на „Сантијаго Бернабеу“.
Мечот во Мадрид изобилуваше со одлични фудбалски моменти, возбудувања, резултатски пресврт. Покрај шесте гола беше покажан и црвен картон на Герет Бејл во 47 минута по што следуваше драматичен заплет и расплет на средбата.
Најава за спектаклот дојде уште во осмата минута. Иско погоди за 10 на Реал М., а само две минути подоцна израмни Таунусу. Исклучувањето на Велшанецот на почеток на второто полувреме беше одлична можност за гостинската екипа да покаже заби и се закани на фаворитот. Притоа и успеа.
Лас Палмас стекна два гола предност по само десетина минути од ситуацијата по која остана со играл повеќе на теренот. Виеира беше егзекутор на најстрогата казна во 56 по прекршокот на Серхио Рамос, три минути по него Навас беше совладан и од Боатенг за шок на трибините.
„Кралевите“ мораа добро да се испотат во продолжение на мечот за да избегнат бламажа пред своите фанови. Во улога на спасител се јави капитенот кој се погрижи за додавање на, макар, еден бод на контото на „кралскиот“ клуб.
Тоа го чинеше Реал М. губење на првото место бидејќи Барселона, претходно, го декласира Спортинг Хихон со 6:1. Каталонците сега имаат бод, но и меч повеќе од „кралевите“.
Примера
Резултати, 25 коло
Реал Мадрид – Лас Палмас 3:3
Гранада – Алавес 2:1
Селта – Еспањол 2:2
Осасуна – Вилјареал 1:4
Барселона – Спортинг Хихон 6:1
Валенсија – Леганес 1:0
Малага – Бетис 1:2
Реал Сосиедад – Еибар 2:2
Депортиво ла Коруња – Атлетио Мадрид (четврток, 20.45 ч.)
Севилја – Атлетик Билбао (четврток, 21.30 ч.)