Јапонскиот производител на моторни возила „Тојота“ денеска соопшти дека од наредниот месец ќе го прекине производството во пет фабрики во Јапонија поради проблеми со синџирот на снабдување, недостиг на чипови и пандемијата на ковид-19.
Суспензијата ќе го наруши производството на околу 20.000 возила, но нема да влијае на планираната годишна цел од девет милиони возила, соопшти најголемиот јапонски производител на автомобили.
Компанијата минатата недела соопшти дека предвидува поголем пад на производството на возила во Северна Америка во јануари, на 50.000 единици, поради проблеми со синџирот на снабдување.
Проблеми во синџирот на снабдување зафатија многу производители на автомобили низ светот, а особено снабдувањето со чипови и други електронски компоненти.