Неколку стотици граѓани предводени од градоначалници од ВМРО-ДПМНЕ во моментов на мирен собир пред Кривичниот суд во Скопје се собрани за поддршка на битолскиот градоначалник Владимир Талесски, кому судот му одреди 30 дневен куќен притвор.

Собирот е мирен, граѓаните пристигнуваат во се поголем број, а во првите редови пред судот се скопските градоначалници Коце Трајановски, Петре Латиновски и Ивица Коневски. Со нив е и пратеникот Андон Чибишев, а се забележува и присуство на граѓани од други градови.

13487450_1133440833364194_1257252569_n 13514476_1133440493364228_1718775462_n

Булеварот пред судот е блокиран од демонстрантите, а други се распоредени на неколкиу локации околу судовите, во очекување на одлуката на Апелација по жалбата од Талески.

Кривичниот суд во Скопје во петокот определи мерка куќен притвор за Талевски, откако СЈО ја обжали првичната одлука да му се одземе само пасошот.

13514493_1133440290030915_913103976_n

Талески е еден од осомничените во случајот Транспортер, во кој 22 лица се товарат за незаконски тендери за транспорт на учениците од училиштата во регионот на Битола.

Истрагата опфаќа вкупно 81 криминално дејствие, спротивни на Законот за јавни набавки и Законот за средно и основно образование, а освен градоначалникот осомничени се уште 22 лица за злоупотреба на службената положба и проневера на пари.

За Талески првично од СЈО бараа само конфискација за дел од неговиот имот, бидејќи и тој се најде на листата на помилувани од Иванов.

По укинување на аболицијата, СЈО побараа мерка притвор за него.

Случајот со превозот на учениците, беше споменат и во 19. „бомба“ на опозицијата, во која министерот за финансии Зоран Ставрески во разговор со екс-министерката за внатрешни Гордана Јанкулоска, споменува дека битолскиот градоначалник за превоз на учениците склучил договор „коруптивен до даска“ со цени десет пати повисоки од предвиденото.