Published: Thursday, June 15, 2017 13:17
Републиканската народна партија денеска започна протестен марш долг 400 километри, од Анкара до Истанбул во знак на протест поради затворањето на еден од нивните пратеници.
„Секој треба да ја брани независноста на судството и правдата во оваа земја“, кажа Килиџароглу на почетокот на собирот во турската престолнина, на кој присуствуваа илјадници луѓе.
Килиџароглу повика на „маршот за правда“ откако пратеникот Енис Бербеоглу во средата беше осуден на 25 години затвор поради оддавање на државни тајни.
Бербероглу беше уапсен и осуден во случај поврзан со објавувањето на извештајот во весникот Џумхуриет во 2015 година за тоа дека турските разузнавачки служби наводно шверцувале оружје за исламските милитанти во Сирија.