Речиси половина милион граѓани денеска со знамиња и плакати излегоа на улиците на Барселона за да ја поддржат независноста на Каталонија.
Протестите започнаа откако премиерот на Шпанија, Марано Рахој најави дека владата ќе ги употреби мерките предвидени со Уставот за да им ги одземе надлежностите на водачите на Каталонија. Демонстрантите извикуваа „Слобода“, „Слобода“ и „Рахој, Рахој значи знаеш дека заминуваме“.
Меѓу лицата кои протестираа беше и претседателот на Каталонија Карлес Пучдемонт
Тој рече дека Каталонија нема да го прифати планот на Мадрид за да ги одземе моќите на регионот со активирање на членот 155 од Уставот.
Рахој денеска одржа вонреден состанок со своите министри со цел активирање на членот 155 од уставот на Шпанија, кој пак и овозможува на централната власт да ја презеде контролата над која било од 17 автономни покраини, доколку некоја од нив не се однесува во согласност со шпанскиот Устав.
„Главна цел на ваквите мерки е враќање на владеењето на правото бидејќи не може да постои ниту еден дел од државата каде што не се применува правото, каде што тоа не постои. Во исто време мораме да ги вратиме институциите во нормала“, рече Рахој.
Досега, ниту еден политичар во историјата на Шпанија не го активирал членот 155, но Рахој вели дека ваквата мерка е оправдана бидејќи Каталонија не го признава законот и ја притиска централната власт со намера за отцепување по референдумот кој се одржа на 1 октомври.