Македонската фудбалска репрезентација го доживеа првиот пораз во квалификациите за Европското првенство во 2020 година. Полска славеше вечерва на националната арена „Тоше Проески“ со 1:0. Погодокот на Камил Глик од 47. минута беше доволен за победникот во дерби мечот од третото коло во грушпата Г.
„Црвено-жолтите“ и Полјаците одиграа сиромашен фудбалски меч во Скопје во кој единствената разлика што натежна на страна на гостите од Варшава беше моментот од 47. минута. Македонија во првиот дел остана без директна закана кон Лукаш Фабијански, во вториот дел ги имаше неколку, но не успеа до израмнување.
Во останатите мечеви од третата рунда во Г конкуренцијата, Австрија ја совлада Словенија со 1:0 за први бодови во циклусот додека Израел во Рига славеше над Летонија со 3:0.
Веќе во понеделник на арената „Тоше Проески“ ќе гостува селекцијата на Австрија.