Две големи изненадувања во мечевите од 30. коло во првата македонска фудбалска лига. Едното од екипа што се бори за опстанок, другото од екипа што одамна, се чини, како второлигаш.

Беласица триумфира со 2:1 на стадионот „Младост“ над комбинираниот состав на старо-новиот шампион Шкендија. Трите бода за струмичани го завери Егзон Бејтулаи со ефектен автогол во 64. минута, откако првиот за домашните беше дело на Пепи Ѓорѓиев во петтата минута, реализатор за тетовци беше резервистот Шефит Шефити во 70. минута.

Работнички беше непријатно изненаден од Победа на националната арена „Тоше Проески“ во Скопје. Дебармаалци поведоа преку Бугаринот Емил Вијачки во 12. минута, во второто полувреме Баже Илијоски не искористи пенал за 2:0 по што ги стигна казна во продолжение на средбата. Трајче Ефремов во 74. минута искористи грешка на домашната одбрана за израмнување на 1:1, а само две минути по него за фенерџијата погоди и Ангелче Тимовски за водство на прилепчани со 2:1 што остана и конечен резултат.

Вардар ја совлада Македонија Ѓорче Петров со 2:0 додека минимални победи по 1:0 забележаа Шкупи и Ренова во дуелите со Академија Пандев, односно, Силекс.

Шкендија е лидер на табелата со 66 бода пред Вардар кој има 57. Трета е Академија Пандев со 47 бода, но и меч помалку.

Прва лига, 30 коло

Македонија Ѓ.П. – Вардар 0:2

Беласица – Шкендија 2:1

Работнички – Победа 1:2

Шкупи – Академија Пандев 1:0

Ренова – Силекс 1:0

Табела: Шкендија 66, Вардар 57, Академија Пандев 47 (-1), Шкупи 42, Ренова 39, Работнички 39, Македонија Ѓ.П. 35, Силекс 31, Беласица 30, Победа 23 (-1).

Идно коло: Шкендија – Шкупи, Вардар – Беласица, Академија Пандев – Работнички, Македонија Ѓ.П. – Ренова, Победа – Силекс.