Каталонскиот лидер Карлес Пучдемон смета дека шпанската Влада нема причина да се повика на членот 155 од Уставот според кој тој би можел да биде уапсен, додавајќи дека неговото притворање би било грешка, бидејќи би бил затвор поради политички несогласувања. Во интеврју за Си Ен Ен тој сепак признава дека е загрижен оти Владата на Рахој би можела да го направи тоа, но тоа не би го решила судирот.
-И што би значеле моето притворање? Јас не сум криминалец, јас го правам она што од мене го бара Парламентот, вели Пучдемон.
На прашањето, кој е нивниот суштински услов за да прифатат референдум, кој ги го прифатил и Мадрид, Пучдемон вели дека се подготвени да прифатат референдум како оној во Шкотска.
-Тоа го предлагавме и порано, но вратата и натаму е отворена, секако дека тоа е добро сценарио. Тоа е она што повеќето луѓе го сакаат и во Каталонија и надвор од неа. Јас сум подготвен да работам на условите што ќе ни овозможат такво сценарио, вели тој.
На новинарска забелешка дека она што тој го направи во Парламентот, кога прогласи независност, а потоа за неколку минути ја суспендира одлуката, е всушност политичко самоубиство и со тоа ризикува поделба во коалицијата за независност, Пучдемон одговара:
-Владејачката коалиција е цврста и многу обединета. Друга работа е поделбата во парламентарното мнозинство. Исто така немам посебен интерес политички да преживеам. Мој интерес е да преземам максимална одговорност и максимална кохерентност и максимална ефикасност во однос на целта што ја имаме, вели Пучдемон за Си Ен Ен.