Пукање во средно училиште во Грац, девет лица се убиени меѓу нив и напаѓачот

Девет лица загинаа во пукање во училиште во австрискиот град Грац, соопшти Министерството за внатрешни работи, пренесе Би-Би-Си.

Меѓу жртвите има ученици и наставници, а се верува дека напаѓачот се самоубил во училишниот тоалет.

Според јавниот сервис ОРФ, речиси еден час по пријавеното пукање, во тек е голема полициска операција.

Полицијата соопшти дека училиштето е успешно евакуирано. „Ситуацијата е безбедна“, соопшти полицијата. „Не се очекува понатамошна опасност“.

Полицијата соопшти дека е распореден хеликоптер како дел од операцијата.

Градоначалничката на Грац, Елке Кар, изјави дека напаѓачот е меѓу загинатите. ОРФ претходно објави дека се смета дека напаѓачот е ученик во училиштето, пренесува Дојче веле.