Реал Мадрид ја понижи Барселона во нејзината „Блауграна“ во дербито на осмото коло во кошаркарската Евролига. „Кралскиот“ клуб триумфира со неверојатни 39 поени разлика – 102:63 (по четвртини: 29:17, 25:14, 21:15, 27:17). Љуљ одново во улога на главен инспиратор за победа на мадриѓани како и против Панатинаикос пред два дена. Плејмејкерот овојпат постигна 20 коша, Џејси Керол уфрли 19. Тајрис Рајс беше највпечатлива фигура кај Каталонците со 23 поени, Дорси постигна 10, сите останати нивни соиграчи беа едноцифрени.
Олимпијакос го доби грчкото дерби во евролигашката конкуреција. „Црвено-белите“ од Пиреја го совладаа Панатинаикос, како гости, со 79:77. Градска пресметка и во Истанбул во која екипата на Галатасарај ја порази Дарушафака со 85:81, а ЦСКА во Москва триумфира над Жалгирис со 95:86.