Рускиот претседател Владимир Путин изјави дека западните земји им штетат на нивните национални интереси со воведувањето санкции против Москва, кои предизвикуваат глобална криза.

„Овие санкции предизвикуваат голема глобална криза“, рече Путин.

Тој рече дека Русија продолжува да работи во тешки надворешни услови.

„Зборувам за глобалните предизвици и притисокот од санкциите од страна на западните земји. Овие санкции предизвикуваат сеопфатна глобална криза. Архитектите на овие санкции, кои имаат тесна перспектива, политички амбиции и фобија од Русија, им штетат на сопствените национални интереси и економии“, рече Путин.

Путин рече и дека инфлацијата во Европа нагло пораснала.

„Во некои земји достигна 20 проценти на годишно ниво. Континуираната опседнатост со санкции ќе има многу страшни и тешки последици за Европската унија и нејзините граѓани, како и за сиромашните земји кои веќе се во опасност од глад“, изјави Путин.

Тој рече дека западните земји се главните одговорни за ситуацијата.

„Нагласувам дека виновникот е целосно во елитите на западните земји, кои се подготвени да го жртвуваат остатокот од светот за да ја задржат својата глобална доминација“, истакна тој.