Маријано Рахој е сменет од премиерската функција, со гласање на недоверба во Парламентот.

„Чест ми е да ја оставам Шпанија подобра од онаа што ја наследив. Ви благодарам Шпанци и среќно“ рече Рахој.

За нов премиер ќе биде избран социјалистот Педро Санчез кој ја покрена иницијатаивата за смена на Рахој.

Санчез обезбеди подршка од шест помали парламентарни групи, со што обезбеди апсоулутно мнозинство потребно за смена на Рахој. 180 пратеници гласаа за смената на Рахој, 169 беа против и еден беше воздржан.

Санчез ќе стане првиот шпански премиер кој ќе биде избран без победа на избори, туку со изгласување на недоверба на актуелниот премиер.

Смената на Рахој следува откако се обелодени дека неговата партија  користела нелегални извори на финансирања, а  еден од поранешните благајници беше осуден на 33-годишна затворска казна.

Високиот суд во Мадрид го осуди Луис Барсенас за примање мито, перење пари и даночни дела.

Случајот се однесува на финансирањето на кампањите на партијата од 1999 до 2005 година.

Рахој стана претседател на партијата во 2003, а за премиер беше избран во 2011.