Пелистер се пласира во осминафиналето во Челинџ купот. Битолчани вечерва славеа во Вогошча против истоимениот домаќин со 28:25 и со вкупен резултат 49:48 се најдоа меѓу најдбрите 16 во натпреварувањето на ЕХФ. Првиот меч во салата „Младост“ го доби претставник на БиХ со 23:21.
Подобриот во двомечот беше решен во завршните пет минути од реваншот. Пелистерци за првпат поведоа 56 минута од средбата, а предноста ја надградија за уште два гола до крајот за конечен триумф и на гостувањето и во двочасовната македонско-босанска ракометна пресметка.
Дивковиќ со осум гола и Бечиќ со седум го предводеа домашниот состав, Маџовски беше прв стрелец во екипата од Битола со шест погодоци, Везенковски реализира четири, по три впишаа Чантурија, Димитровски, Павловиќ и Рајатовски.
„Имавме план да влеземе во егал финиш со висок ритам и бев убеден дека можеме до победа. Овојпат можевме детално да се подготвиме за Вогошча што не беше случај пред првиот меч поради локалното дерби што страшно нè оптоварува. Задоволен сум од карактерната реакција на мојата екипа“, изјави Касим Каменица, тренер на Пелистер, по средбата.