Вардар го совлада Кристијанштад со 32:29 во последниот настап во групната фаза во Лигата на шампиони за потврда на првото место во Б конкуренцијата што носи прескокнување на осминафиналето и директен пласман во четврт-финале. Иако беа растоварени од императиви, „црвено-црните“, сепак, одиграа за себе, за навивачите и со желба за победа да се вклопат во одбележување на јубилејниот 100 меч во елитното натпреварување.
И успеаја во сето тоа на задоволство на целокупната спортска јавност во Македонија, но и во Хрватска чиј претставник, ППД Загреб посакуваше „единица“ во Скопје за продолжување во осминафинале и ја дочека.
Со празни раце остана шведската екипа која допатува со намера да приреди изненадување во СЦ „Јане Сандански“ за место во топ 16 што ќе беше достижно и со реми поради подобриот меѓусебен биланс во дуелите со Загреб и Целје. Но, вардарци не дозволија да бидат поразени на крајот, пред своја публика и во меч во кој важеа за апсолутни фаворити.
Гостинскиот ракометар Соренсен беше најефикасен во натпреварот со седум гола, шест постигна Моен Нилсен колку и Вуко Борозан, прв стрелец во вардаровата екипа која стигна до 41 триумф во Лигата на шампиони.
Вардар – Кристијанштад 32:29 (17:13)
СЦ „Јане Сандански“ во Скопје. Гледачи: 4.000. Судии: Михал Бадура и Јарослав Ондогрецула од Словачка.
Вардар: Штербик (19 одбрани), Милиќ, Стоилов 3, Недановски 1, Фереира Мораеш 2, Македа 4, Карачиќ 3, Душебаев 1, Абутовиќ, Кањелјас 2, Циндриќ 2, Чупиќ 4, Дибиров 1, Шишкарев 3, Борозан 6, Марсениќ. Тренер: Раул Гонзалез.
Седмерци: 5/7. Исклучувања: 2 минути. Технички грешки: 10
Кристијанштад: Л. Ларсон, Симиќ, Липовац, Арнарсон 2, Хенингсон 4, Соренсен 7, Моен Нилсен 6, Лагергрен 1, Ј. Ларсон, Гудмундсон 1, Хален 1, Толбринг 4, Јонсон 3, Ханиш, Ериксен. Тренер: Ола Линдгрен.
Седмерци: 4/5. Исклучувања: 6 минути. Технички грешки: 8.
Лига на шампиони
Група А
Резултати, 14 коло
ПСЖ – Кил 42:24
Силкеборг – Шафхаузен 37:32
Барселона – Висла Плоцк 36:28
Веспрем – Фленсбург 34:28
Табела: Барселона 25, ПСЖ 24, Веспрем 18, Фленсбург 15, Кил 12, Силкеборг 8, Висла Плоцк 8, Шафхаузен 2.
Група Б
Резултати, 14 коло
Вардар – Кристијанштад 32:29
Кјелце – Мешков Брест 35:27
ППД Загреб – Целје 23:21
Рајн Некар Левен – ПИК Сегед 24:30
Табела: Вардар 20, Кјелце 18, ПИК Сегед 17, Рајн Некар Левен 17, Мепков Брест 14, ППД Загреб 9, Целје 9, Кристијанштад 8.