Франција по вторпат демонстрира сила на Светското ракометно првенство, и без Никола Карабатиќ, овојпат триумфира над Србија со 32:21. Северниот сосед беше рамноправен партнер на теренот само во воведната третина од средбата по што актуелните прваци ги презедоа нештата во свои раце и не дозволија да бидат изненадени. По пет погодоци постигнаа Недим Ремили и Лудовик Фабрегас, најефикасен во мечот беше Богдан Радивоевиќ со шест гола.
За „триколорите“ ова е втора победа на шампионатот по онаа во првото коло над Бразил со 24:22. Србија, пак, токму против „кариоките“ во понеделник ќе бара прва радост во Берлин по ремито со Русија (30:30) во воведното коло.
Второто коло се комплетира и во групата Ц во која Данска им подари нов убедлив триумф на навивачите, овојпат над Тунис со 36:22. Микел Хансен и Размус Лауге Шмит реализираа по седум гола, по пет додадоа Никола Ерај Нилсен и Каспер Улрих Мортенсен колку и Маруан Чуиреф.
СП во ракомет (м)
Група А, 2 коло
Франција – Србија 32:21
Германија – Бразил 34:21
Русија – Кореја 34:27
Табела: Германија 4, Франција 4, Русија 3, Србија 1, Бразил 0, Кореја 0.
Идно коло (понеделник): Русија – Германија, Франција – Кореја, Србија – Бразил.
Група Ц, 2 коло
Австрија – Чиле 24:32
Норвешка – Саудиска Арабија 40:21
Данска – Тунис 36:22
Табела: Данска 4, Норвешка 4, Австрија 2, Чиле 2, Тунис 0, Саудиска Арабија 0.
Идно коло (понеделник): Данска – Саудиска Арабија, Норвешка – Австрија, Тунис – Чиле.