Тотенхем ја освежи одбраната со Колумбиецот Давинсон Санчез Мину. „Спарси“ за 21 годишниот фудбалер на Ајакс платија 46 милиони евра што претставува рекорден трансфер во 134 историја на клубот од „Вајт Харт Лејн“.
Санчез пристигна во Амстердам во 2016 година од екипата на Атлетико Насионал за сума од пет милиони евра. За холандскиот прволигаш лани одигра 46 меча со ефект од шест гола и две асистенции.
Младиот Колумбиец беше на мета и на Барселона, но премиерлигашот од Лондон беше најупорен и најконкретен во привлекувањето. „Спарси“ сметаат дека во него е обезбедено големо засилување за екипата во иднина.
Санчез зад себе има два настапа за сениорската репрезентација на Колумбија, откако претходно беше дел од националните тимови во У17, У19 и У23 (олимписка селекција).