Официјална Москва вчера соопшти дека го повикала грчкиот амбасадор во Москва, Андреас Фриганас, кому му била врачена нота во која се наведуваат дека мерките што ќе ги преземе Русија, односно дека ќе постапи на истиот начин како и Атина која минатиот месец протера двајца руски дипломати, објави Ројтерс.

Грција во јули одлучи да протера двајца руски дипломати и уште на двајца им забрани влез во земјата поради обид за поткуп на функционери и да поттикнат демонстрации за да го спречат постигнувањето на Договор со Македонија, со кој, на земјата и се отвораат вратите кон НАТО.

Русија категорично ги негира обвинувањата.

Министерството, во својата изјава, не ги именуваше грчките дипломати што ќе ги ги протера или ќе ги замоли да заминат.

Руската државна агенција “РИА” повикувајќи се на неименуван извор, објави дека Москва го протерува грчкиот трговски претставник, како и грчкиот дипломатски службеник одговорен за комуникации во грчката амбасада.

Според РИА, исто така и на висок официјален претставник на грчкото Министерство за надворешни работи му бил забранет влез во Русија.

Рускиот амбасадор во Грција ги нарече обвинувања против руските дипломати како “глупости” и ја обвини Атина дека дејствува без докази, додека руското Министерство за надворешни работи предупреди на неодредени последици.

Одлуката на Грција да ги протера руските дипломати предизвика тензии во односите меѓу Москва и Атина, кои со векови имаат верски и културни врски.

По дипломатскиот потег, Грција соопшти дека сé уште сака добри односи со Русија.

Но, односите се влошија посебно откако рускиот амбасадор во Атина минатиот месец објави дека планираната посета на рускиот министер за надворешни работи, Сергеј Лавров на Грција, за септември се одложува, истакнувајќи дека терминот не е соодветен.

Минатата недела руската агенција ТАСС објави дека рускиот претседател Владимир Путин го назначил Сергеј Баздникин за амбасадор во Република Македонија, откако од должност е ослободен досегашниот амбасадор Олег Шчербак, кој на оваа функција беше од 2010 година.

Сергеј Баздникин е поранешен заменик на началникот на Департментот за планирање на Министерството за надворешни работи на Русија.

Не се посочува причината за смена на амбасадорот.