Мојот исказ во Обвинителството за организиран криминал ќе даде придонес во делот на настаните поврзани со Поштенска Банка – рече обвинителот на СЈО Бурим Рустеми кој денеска беше повикан како сведок да даде исказ за случајот „Рекет“.
На новинарско прашање дали бил прашан и за станот на осомничен во Поштенска банка кој бил изземен од замрзнување по наредба на Јанева, а потоа продаден на ексдиректорот на МЕПСО Сашо Василевски, Рустеми рече дека одговорил на сите прашања што му ги поставил обвинителот.
Рустеми беше повикан во Обвинителството откако обвинителката Лиле Стефанова објави дека Јанева на 16 април годинава ги повикала двајцата обвинители на состанок на кој таа побарала да се затворат истрагите за „Империја“ и за „Поштенска банка“. Како што тврдеше Стефанова, Јанева од нив побарала до 6 мај обвинителите да достават писмени извештаи за штетата во двата предмети кои осомничените траба да ја платат на државата, по што предметите „ да бидат тука затворени“ и осомничените „да не одат во затвор“. Рустеми и Стефанова изготвиле писмени извештаи во кои покрај износите на штетата, ги навеле и можните затворски казни согласно Кривичниот законик во случај на спогодување со јавниот обвинител.
Стефанова контра Јанева: Катица му го укина притворот и му го врати пасошот на Камчев
СЈО со нова истрага – делото на Георгиевски и Груевски застарело
Георгиевски: Главчев три пати ја менувал изјавата во СЈО на моја штета
За колегиумот кој во СЈО се одржал во понеделникот и на кој според обвинители од СЈО, Јанева им се заканила дека ако не ја поддржат ќе ги повлече и нив Рустеми рече дека нема изнесува детали, но додаде дека тој не почувствувал дека Јанева врши влијание што да каже на распитот.
„Јас не почувствував сериозно влијание за мојот исказ што го дадов денес, во спротивно ке пријавев ако влијаеше врз мене што да кажам денеска“ рече Рустеми.
Рустеми одби да одговори дали на прашањето дали Специјалната јавна обвинителка вчера проверувала кои документи по негов налог биле изнесени од СЈО – кога заминал на судењето за ТНТ, а требаше и да сведочи во Обвинителството за организиран криминал, и само рече дека документите му ги донела неговата соработничка пред Судот.
Рустеми е трет обвинител од СЈО кој дава исказ како сведок во Обвинителството за борба против организираниот криминал за слуачјот „Рекет“. Во вторник во Обвинителство е повикана и Специјалната јавна обвинителка Катица Јанева која се слуша на снимките што ги објави италијанскиот весник Ла верита како зборува со осомничениот во случајот „Империја“ Орце Камчев и му вели дека „се ќе биде ок“.