Симона Халеп ја наследи Анџелика Кербер на тронот на Вимблдон. До првиот трофеј на лондонската трева, втор гренслем во нејзината кариера по Ролан Гарос во 2018 година, Романката стигна експресно и на импресивен начин. Конечни 6:2, 6:2 за 27 годишната девојка од Констанца која ја надигра Американката како ретко која нивна колешка досега.
Халеп беше нерешлива загатка за седумкратната шампионка на „All England Club“. „Пукаше“ од самодоверба уште при појавување на централниот терен што ја докажа со брејк во воведниот гем, а потоа и со потврда во наредниот. И потоа се одеше во посакуваната насока. За неа едноставно немаше загубено топче или прерано предаден поен. Стигнуваше на секоја педа на тревникот, перфектно ја служеше сервисот, направи само три неизнудени грешки, а за фантастичното издание ја принуди Вилијамс на еден куп.
Серена Вилијамс ќе мора да причека барем до Ју-Ес опен за 24 гренслем титула во кариерата со кој ќе се израмни со Маргарет Корт. Финалето на Вимблдон беше нејзино трето на гренслем турнирите по породувањето и трето загубено. Лани во Лондон загуби од Анџелика Кербер со 3:6, 3:6, а на Ју-Ес опен 2018 и од Наоми Осака 2:6, 4:6.
Утре од 15 часот на централниот терен на „All England Club“ ќе играат Новак Ѓоковиќ и Роџер Федерер во машкото финале на Вимблдон 2019 во изминатите две недели се иргаше за награден фонд од 38 милиони фунти.