Владата на САД нареди 15 дипломати од амбасадата на Куба во Вашингтон да ја напуштат државата, соопшти Стејт Департментот, но не поради влошување на односите меѓу двете земји, туку да се изедначи бројот на луѓе во амбасадите во Куба и Америка, откако САД го намали својот број на вработени во Хавана.
„Ова не е промена на политиката или реципроцитет на нападите врз претставници на Амбасадата во Куба. Ние ги одржуваме дипломатските односи со Куба и понатаму“, се вели во соопштението.
Стејт Департментот на Амбасадта на Куба и испратила листа со имиња кои треба да ја напуштат Америка, а за тоа им оставаат простор од седум дена.
Америка минатата недела соопшти дека ќе повеле дел од својот персонал во Куба поради нападите врз владините претставници. Стејт Департментот дури сега ги внесол во систем 22 случаи на напади, а кои претежно се случиле во јануари на почетокот од оваа година.
Во јули 2015, тогашниот претседател на САД, Барак Обама рече дека децениски заладените односи ќе се вратат во нормала меѓу двете земји. На 20.јули 2015 година беа отворени и амбасадите во Хавана и Вашингтон.