САД се загрижени за предлог законот на унгарската Влада од 28 март, со кој се воведуваат нови, таргетирани и огромни регулаторни барања за странските универзитети. „Доколку биде усвоен, овие промени негативно ќе влијаат или дури ќе доведат до затворање на Централно-европскиот универзитет (ЦЕУ) во Будимпешта“, се вели во реакцијата на Стејт Департментот.

– ЦЕУ е врвна академска институција акредитирана во САД и во Унгарија, со кадар и студенти од повеќе од 100 земји. Тоа го зајакна влијанието и лидерството на Унгарија во регионот, преку своите извонредни академски кадри и многу придонесе за независно, критичко размислување, се додава во реакцијата.

САД ја повикуваат унгарската Влада да избегне воведување на какви било законски иницијативи што би го компромитирале работењето или независноста на ЦЕУ.

Притисокот на Унгарија врз невладините организации финансирани од странство се прошири и на заострување на правилата за функционирање на странските универзитети, од кои еден е и ЦЕУ, основан од американскиот бизнисмен со унгарско потекло Џорџ Сорос, кој се смета за упориште на либералното меѓународно образование во земјата, но и во регионот.

-Тоа е прашање кадешто не е можен компромис, им изјавил ректорот Мајкл Игнатиев на вработените и на студентите на факултетот. „Ние сме гаранти за академските слободи, рекол тој.

Десничарскиот премиер Виктор Орбан  ги критикуваше граѓанските здруженија кои ги финансирани од Сорос, инаку основач на Фондацијата Отворено општество, која ги поддржува организациите шрум светот и се коси со политиката на Орбан.

Според законот кој во вторникот е поднесен во Парламентот, странските факултети мора да имаат кампус во Будимпешта и во државата од која доаѓаат. СЕУ, кој делува само во унгарската престолнина, е единствена меѓународна високошколска установа без ограноци на други места.

-Овие амандамни би барале ЦЕУ да отвори дополнителен кампус и во сојузната американска држава Њујорк. Тоа барање не би имало никакви предности и би созадало финансиски трошоци и трошоци за човечки ресурси, соопшти ЦЕУ.

Факултетите мора да изберат или да го спроведуваат овој закон од 15 февруари 2018 година или да престанат да прифаќаат нови студенти.

ЦЕУ е основан во 1991 година и денес има околу 1.400 студенти.