Американската администрација соопшти дека е можно да бидат воведени нови санкции спрема Турција доколку наскоро не биде ослободен американскиот пастор Ендру Брансон.
Министерот за финансии на САД, Стивен Мнучин соопшти дека се можни нови санкции по неодамнешните за двајца високи официјални претставници на Турција поради апсењето на американскиот свештеник, кој е обвинет за шпионажа и пружање поддршка на терористи.
Американскиот претседател Доналд Трамп пак истакна дека Турција не се покажала како добар пријател на САД.
Тој синоќа на Твитер напиша дека САД нема да платат за ослободување на недолжен човек, но оти ќе продолжат да вршат притисок врз Анкара.
Претходно САД двојно ги зголемија царините на челик и на алуминимум од Турција, по што следуваше реакција на Турција со значитетелно зголемување на царините за некои американски производи.
Но покрај трговскиот, Турција и САД имаат и дипломатски спор со САД, а тензиите ескалираа поради случајот на американскиот свештеник Ендру Бренсон, уапсен во декември 2016 година, а неодамна е префрлен во домашен притвор. Тој ги негира обвинувањата дека ѝ помагал на групата која Анкара ја обвинува за обид за државен удар, и оти им пружал поддршка на курдските екстремисти.
Односите меѓу Вашингтон и Анкара се затегнати и поради други спорови, како што е американската поддршка на сириските курдски борици и одбивањето на САД на Турција да ѝ го предаде проповедникот Фетула Ѓулен, кого Турција го смета за одговорен за обидот за државен удар во 2016 година.