Се повлекува од лични причини: Пламен Николов нема да биде премиер на Бугарија

Мандатарот за состав на новата влада на Бугарија, Пламен Николов од партијата „Има таков народ“, утре ќе ја повлече кандидатурата.

Николов за агенцијата БТА изјави дека тоа ќе го стори од лични причини и за тоа нема законски пречки.

Претходно денеска, водачот на „Има таков народ“, Слави Трифонов изјави дека предлог-кабинетот со премиер Пламен Николов нема да го достави на гласање.

Од „Демократска Бугарија” и „Стани БГ! Доаѓаме!” објавија дека нема да го поддржат предлог-кабинетот.