Според неофицијалните резултати, Уставот кој го предложи претседателот на Турција, Реџеп Таип Ердоган води на референдумот.
Гласачките места во Турција која денеска гласа на референдум за промена на политичкиот систем се затворени пред еден час. Досега е изброена четвртина од вкупните гласови.
Повеќе од 55 милиони луѓе од Турција денеска гласаа на референдум за измени на Уставот, со кои, меѓу другото, се предвидуваат пошироки овластувања на претседателот на државата. Ердоган може да добие огромни нови овластувања и да се случат најрадикалните промени во политичкиот систем на земјата во модерната историја.
Ако уставните измени бидат одобрени на референдумот, премиерската функција ќе биде укината во корист на претседателот.
Европската твитер-сметка EuropeElects што ги набљудува изборите укажува дека за „да“ гласале дури 63,8%, а за „не“ 22% од гласачите.
Turkey, 22% counted:
Constitutional Referendum
Yes: 63.8%
No: 36.2%#Referandum2017 #Turkey pic.twitter.com/S1rl52GeVu— Europe Elects (@EuropeElects) April 16, 2017
Претходно, две лица загинаа во тепачка што се случи на избирачко место во провинцијата Дијарбакир, на југоисток во Турција, пренесоа турските медиуми. До инцидентот меѓу две семејства дошло во едно селско училиште каде луѓето гласале на денешниот референдум за уставните промени, јави агенцијата Анадолија.
За сега не е позната причината за пресметката, но агенцијата Доган, наведува дека поводот бил „несогласување во политичките ставови“.