Енди Мареј се подложи на хируршка интервенција на колкот во Мелбурн и најави враќање на тениските терени дури на лето.
„Сè уште не сум завршил со играње тенис. Повторно ќе се натпреварувам на највисоко ниво“, порача Британецот.
Поранешниот број еден светски тенисер е надвор од АТП турот од Вимблдон во 2017 година. На гренслемот во Лондон беше елиминиран од Сем Квери во четврт-финалето по што, по сугестија на лекарите, го пропушти остатокот од сезоната поради непријатности со колкот.
Првиот меч по паузата го одигра на егзибицискиот турнир во Абу Даби на 29 декември пришто загуби од Роберто Баутиста Агут, но евидентно беше дека се движи со проблеми и дека не е целосно опоравен од повредата.
„Оптимист сум што се однесува за иднина. Хирург е исклучително задоволен од зафатот“, додаде Мареј.
Британецот е моемтно 19 тенисер во светот според најновата ранг листа со АТП ја објави денеска.