Карен Хачанов е сензационален освојувач на турнирот од Мастерс 1000 серијата што се играше во Париз за награден фонд од 5.444.985 милиони евра. Рускиот тенисер во финале го порази Новак Ѓоковиќ со 7:5 и 6:4 за нешто помалку од 100 минути игра.
Ова за Хачанов е четврти АТП трофеј во кариерата во исто толку одиграни финални средби, но неспоредливо највреден во однос на претходните три од причина што е прв на Мастерс турнирите. За разлика од него, Србинот веројатно плати данок на исцрпувачкото тричасовно полуфинале со Роџер Федерер, поведе во раната фаза на мечот по што одеднаш запре, момент што ривалот умееше да го искористи и претвори во славје на крајот.
Ѓоковиќ, сепак, и покрај поразот, прв во своето петто финале во Париз, од утре ќе биде прв светски рекет на АТП ранг листата додека Хачанов ќе се искачи на 11 позиција.