Аталанта настрада на „Џузепе Меаца“ од аргентинската врска во Интер. „Нероазурите“ немаа милост кон ривалот од Бергамо што го испратија со полна мрежа. Конечни 7:1 за екипата на Стефано Пиоли во меч од 28 коло во Серија А што беше решен по првото полувреме (5:1).
Победничката екипа исфрли на површина два лика попладнево во Милано – Мауро Икарди и Евер Банега. Освен тоа што се Аргентинци, заедничко за нив е што постигнаа по три гола во 17. сезонска победа на Интер.
За подвиг на Икарди му беа потребни девет минути. Од 17 минута преку 23. од пенал до 26., напаѓачот на Интер трипати ја „параше“ противничката мрежа и стигна до 20. гол во калчолигата во оваа сезона во која има и осум асистенции. Лидер на листата на стрелци во Италија е Андреа Белоти од Торино со 22 погодока.
Банега, пак, своето гол шоу го почна во 31 минута, го продолжи во 34. и го заврши во 68. Покрај трите погодоци, Банега запиша и две додавања. Седмиот гол за Интер, шести во натпреварот беше дело на Галјардини во 52 минута. Почесниот за Аталанта го постигна Фрелер во 42 минута.
Серија А
Резултати, 28 коло
Интер – Аталанта 7:1
Пескара – Удинезе 1:3
Наполи – Кротоне 3:0
Фиорентина – Калјари 1:0
Киево – Емполи 4:0
Сасуоло – Болоња 0:1
Џенова – Сампдорија 0:1
Јувентус – Милан 2:1
Палермо – Рома (недела, 20.45 ч.)
Лацио – Торино (понеделник, 20.45 ч.)