Интер е единствен клуб со максимален ефект и по петтото коло во сезоната во Серија А. „Нероазурите“, под водство на Антонио Конте, го совладаа и Лацио со 1:0 во дербито на вечерта и останаа на лидерската позиција на табелата со два бода повеќе од Јувентус кој, исто така, е без пораз, но не успеа и до триумф кај Фиорентина на 14 септември (0:0).
Погодок на Данило Д’Амброзио во 23. минута се покажа како доволен за задржување на трите бода на „Џузепе Меаца“. Интер во наредното коло го очекува гостување во Џенова кај последнопласираната Сампдорија која досега има победа и четири порази.
Наполи го загуби и вториот меч во тековниот шампионат. Калјари славеше на „Сан Паоло“ со 1:о со голот на Лукас Кастро во 87. минута за трета победа во низа за екипата од Сардинија. Македонскиот репрезентативец меѓу наполитанците, Елиф Елмас не доби шанса од Карло Анчелоти во вториот првенствен меч на домашен терен.
Без минутажа остана и Горан Пандев чија Џенова одигра без голови против Болоња на својот стадион „Луиџи Ферарис“.
Серија А, 5 коло
Интер – Лацио 1:0
Наполи – Калјари 0:1
Џенова – Болоња 0:0
Парма – Сасуоло 1:0
Фиорентина – Сампдорија 2:1
СПАЛ – Лече 1:3
Рома – Аталанта 0:2
Бреша – Јувентус 1:2
Верона – Удинезе 0:0
Торино – Милан (четврток, 21 ч.)
Табела: Интер 15, Јувентус 13, Аталанта 10, Наполи 9, Калјари 9, Рома 8, Болоња 8, Лацио 7, Торино 6 (-1), Милан 6 (-1), Сасуоло 6, Бреша 6, Парма 6, Лече 6, Фиорентина 5, Верона 5, Џенова 5, Удинезе 4, СПАЛ 3, Сампдорија 3.