Јувентус го искористи киксот на Наполи и со триумфот против Милан со 3:1 се зацврсти на табелата во Серија А. „Старата дама“ сега има четири бода повеќе од наполитанците кои резмизираа на гостувањето кај Сасуоло (1:1) во својот меч од 30. коло во италијанскиот фудбалски шампионат.
Дибала во осмата минута, Квадрадо во 79. и Кедира во 87. ја потпишаа победата во дуелот со „росонерите“, единствениот погодок, пак, за нив беше дело на Леонардо Бонучи во 28 минута.
Со ова, составот на Масимилијано Алегри направи нов голем исчекор кон Скудетото, но и одлична увертира пред првиот четвртфинален меч во Лигата на шампиони против Реал Мадрид во вторник на „Јуве арена“.
Јувентус и Милан вечерва во Торино потсетија на минатите меѓусебни пресметки. Понудија фудбалска претстава во која имаше се што ја прави играта привлечна – четири гола, уште многу шанси, борбеност и неизвесност. На крајот, сепак, „бјанконерите“ и по седми пат во низа се радуваа на бодови пред своите навивачи против „црвено-црните“ од Милано кои го доживеаја првиот пораз во 2018 година.
Серија А
Резултати, 30 коло
Јувентус – Милан 3:1
Сасуоло – Наполи 1:1
Киево – Сампдорија 2:1
Лацио – Беневенто 6:2
Интер – Верона 3:0
Џенова – СПАЛ 1:1
Фиорентина – Кротоне 2:0
Калјари – Торино 0:4
Аталанта – Удинезе 2:0
Болоња – Рома 1:1
Табела: Јувентус 78, Наполи 74, Рома 60, Интер 58 (-1), Лацио 57, Милан 50 (-1), Аталанта 47 (-1), Фиорентина 44 (-1), Сампдорија 44 (-1), Торино 39 (-1), Болоња 35, Удинезе 33 (-1), Џенова 31 (-1), Калјари 29 (-1), Киево 28 (-1), Сасуоло 28 (-1), СПАЛ 26, Кротоне 24 (-1), Верона 22 (-1), Беневенто 10 (-1).