Рома и осма сезона во низа не знае за пораз во воведните мечеви во Серија А, но вечерва не знаеше како до победа против Џенова на Горан Пандев. „Волчицата“ трипати водеше на „Олимпико“, а гостите од „Луиџи Ферарис“ стадионот трипати се враќаа и на крајот понесоа голем бод од Вечниот град.
Ченгиз Ундер во 6. минута погоди за водство на римјаните, десет минути подоцна возврати Андреа Пинамонти за 1:1. Един Џеко во 30. минута се погрижи за нова гол залиха на составот на Пауло Фонсека на што гостите одговорија во 43. минута преку Даниел Кришито од белата точка за 2:2.
Набрзо по паузата (48 минута), Александар Коларов со прекрасен гол од слободен удар ја враќа Рома на плус еден (3:2) меѓутоа и тоа не беше доволно за домашните за три бода. Кристијан Куаме во 70. минута по третпат го израмни резултатот (3:3) во Рим што остана и конечен. Горан Пандев ги одигра последните десетина минути, вклучувајќи го и судиското надополнување.
Удинезе, претходно, го совлада бледиот Милан со 1:0. Единствениот гол на „Дачија арена“ во Удине го постигна Родриго Бекао во 72. минута, две минути по влегувањето во игра на Илија Несторовски.
Серија А, 1 коло
Рома – Џенова 3:3
Сампдорија – Лацио 0:3
СПАЛ – Аталанта 2:3
Калјари – Бреша 0:1
Верона – Болоња 1:1
Торино – Сасуоло 2:1
Удинезе – Милан 1:0
Сабота
Фиорентина – Наполи 3:4
Парма – Јувентус 0:1
Понеделник
Интер – Лече (20.45 ч.)