Извршниот директор на американската компанија „Фајзер“, Алберт Бурла верува дека фармацевтската индустрија ќе процвета во наредните 10 години, на бранот на продолжување на животниот век и научно-технолошките откритија.
Нашата индустрија ќе процвета во наредноте 10 години, поттикната од науката и природното движење на населението. Како што се продолжува животниот век, се појавуваат нови болести, а нашата индустрија очекува научна ренесанса, благодарение на комбинацијата на откритија во биологија и моќта на технологијата. Пандемијата на коронавирусот ги забрза тие трансформации, изјави Бурла во интервју за италијанска „Ла Република“.
Тој смета дека пандемија покажала оти јавните-приватни партнерства се интересни, а ја нагласи и потребата за забрзување на регулаторните процедури за одобрување на лекови, пренесува хрватски тпортал.
Ако европската и американската агенција за лекови не беа толку брзи, ќе немавме ниту лек, ниту вакцина. Таа агилност мора да стане норма и за лекување на рак, рече Бурла.
Кога станува збор за развој на вакцини поради појава на нови варијатни на коронавирусот, Бурла истакна дека е „рано да се говори дали ќе биде потребно често ревакцинирање или нова вакцина“.
„Разгледуваме многу можности, вклучително и вакцина која штити од Омикрон. Ќе одлучиме до март, а тоа ќе зависи од резултатите на нашите истражувања. Што се однесува до нас, ние веднаш можеме да почнеме со производство, заклучи Бурла.