Македонската Православа Црква издаде соопштение во кое ги повика верниците да останат дома за време на празникот. За жал, еден дел од црквите не го применуваа тоа правило. Затоа бевме загрижени, но Уставот не ни дозволуваше да ставиме ограничување со затваорање на храмовите, одговори на Радмила Шекеринска, вицепремиерка во Владата и министерка за одбрана, на прашањата на НОВА, „Дали стравуваат дека по Велигден се очекува погубен бран на заболени со КОВИД-19“.
„Денеска ништо не е исто. Однесување, навики и потреби не може да се практикуваат како порано. И Папата сам држеше служба. Џабе се сите препораки, ако не се почитуваат. За 8 март не се почитуваа препораките и ги видовме последиците. Ние соопштението на МПЦ го земавме како добар знак, но некои цркви не ги затворија вратите. Џабе ако од надвор пред храмот влегуваат по двајца, ако внатре земаат сите со една лажичка“, изјави вицепремиерка Шекеринска.
На прашањето на НОВА „зошто од мерките за спречување на ширење на коронавирусот во земјата е изземена црквата“, премиерот Оливер Спасовски рече дека здравјето е над се и дека верските заедници сами треба да понесат одговорност.
„Здравјето е над се и верските заедници треба да допринесат да се спречат масовни собири. Нивните водачи треба да превеземат мерки и на нив останува ситуацијата да биде подигнато на повисоко ниво. Ние забранивме масовни собирања и тие мерки мора да се почитуваат“, рече премиерот Спасовски.
Министерот за здравство, Венко Филипче истакна дека „актуелната здравствена состојба во земјата што е обременета со пандемијата на КОВИД-19 ги надминува сите граници и верски разлика“.
„Ние донесовме мерки на време со медицинска оправданост. Затоа апсолутно секој треба да ги почитува. Ова однесување ќе биде модел на однесување и во иднина“, нагласи Филипче.
Со оглед дека неколку дена по Велигден, ќе започнат рамазанските пости, по ова прашањето на НОВА се произнесе и вицепремиерот Бујар Османи.
„Јас бев во комуникација со Исламската Верска Заедница и од таму позитивно одговорија за затворање на џамиите. Ќе видиме ќе разговараме и ризиците за месецот Рамазан за тие 30 дена кои се со одредени специфики и ќе донесеме соодветни одлуки“, рече Османи.
На прашањето на НОВА „зошто не се ограничи движењето од општина во општина, за да се спречат масовни собирања по видендици, а особено луѓето да не излегуваат од своите места на живеење бидејќи во Италија тоа се покажа фатално“. премиерот Спасовски одговори дека полицискиот час дава резултати и затоа нема потреба да се ограничи движењето на граѓаните од општина во општина,
„Немаме информација дека има собориња и групирања во излетничките емста, нема движење на луѓе, така што полицискиот час дава резулати, изјави премиерот Спасовски.