Литванската престолнина Вилнус е третата станица на европскиот пат за фудбалерите на Шкендија во ова лето. Тетовци, попладнево (18,30 ч.) на стадионот „ЛФФ“, му гостуваат на Тракаи во првиот натпревар од двомечот за плеј-оф во УЕФА Европа лигата. Нивните домаќини можеби немаат меѓународно педигре за восхит, но важат за амбициозен клуб кој од година во година ја подигнува летвичката на квалитети и амбиции, па оттука и искажаниот респект во најавите од „црвено-црниот“ табор.
„Сакаме поволен резултат и се надевам дека ќе успееме во таквата намера. Оптимисти сме дека овде можеме да почнеме да градиме ново учество во плеј-офот за Лига Европа, а дома да го запечатиме. Имаме респект за екипата на Тракаи бидејќи не случајно е каде што е. Но, нема премногу да се оптоваруваме со нив, фокусирани сме на нас, на нашата игра и на исполнување на замислите на тренерот“, порача Ферхан Хасани пред петтиот настап на македонскиот вицепрвак во Европа ова лето.
Традицијата покажува дека сите четири македонско-литвански клупски пресметки досега завршија без победник. Шкендија нема пораз во средбите со молдавска Дачија и со Хелсинки меѓутоа го нема ниту Тракаи на домашен терен во меѓународните настапи. Литванците само трета сезона се дел од Лига Европа и воопшто натпреварувањата на УЕФА. Дебито го имаа во 2015/16 кога го минаа Торшавн од Фарски Острови (3:0, 4:1) по што беа елиминирани од Аполон Лимасол (0:0, 0:4), лани загубија од естонски Номе Калју (2:1, 1:4). Ова лето стигнаа најдалеку покрај шкотски Сент Џонстон во првата рунда (1:0, 2:1) и Норшепинг од Шведска во втората (2:1, 1:2 – на пенали 5:3).
„Фудбалот се игра за голови. Се надевам дека ќе имаме прилика да се радуваме барем на еден. Дуелите со Дачија и Хелсинки ни влеваат оптимизам и верба дека можеме да постигнеме и овде во Вилнус. Со победа, секако, би бил најзадоволен меѓутоа задоволството ќе биде присутно и со нерешен резултат со погодоци“, истакнува Ќатип Османи.
Лига Европа/квалификации/3 коло/први мечеви
Денеска играат
Млада Болеслав (Чешка) – Скендербег (Албанија)
Олимпик Доњецк (Украина) – ПАОК (Грција)
Тракаи (Литванија) – Шкендија (Македонија)
Макаби Тел Авив (Израел) – Паниониос (Грција)
АЕК Ларнака (Кипар) – Динамо Минск (Белорусија)
АИК Стокхолм (Шведска) – Брага (Португалија)
Краснодар (Русија) – Лингби (Данска)
Естерсундс (Шведска) – Фола Еш (Луксембург)
ПСВ Ајндховен (Холандија) – Осиек (Хрватска)
Штурм (Австрија) – Фенербахче (Турција)
Судува (Литванија) – Сион (Швјацарија)
Утрехт (Холандија) – Лех Познањ (Полска)
Астра (Романија) – Олександрија (Украина)
Ботев Пловдив (Бугарија) – Маритимо (Португалија)
Динамо Букурешт (Романија) – Атлетик Билбао (Шпанија)
Бнеи Јехуда (Израел) – Зенит Санкт Петербург (Русија)
Арка Гдиња (Полска) – Митјиланд (Данска)
Брондби (Данска) – Хајдук (Хрватска)
Крајова (Романија) – Милан (Италија)
Бордо (Франција) – Видеотон (Унгарија)
Црвена звезда (Србија) – Спарта Прага (Чешка)
Гент (Белгија) – Алтах (Австрија)
Панатинаикос (Грција) – Габала (Азербејџан)
Абердин (Шкотска) – Аполон (Кипар)
Динамо Загреб (Хрватска) – Одд Гренланд (Норвешка)
Олимпик Марсеј (Франција) – Остенде (Белгија)
Австрија Виена (Австрија) – АЕЛ Лимасол (Кипар)
Евертон (Англија) – Ружомберок (Словачка)
Фрајбург (Германија) – Домжале (Словенија)