Кристијано Роналдо во финишот на сезоната најде време и за промоција на сопствените бизниси. „Скудетото“ е осигурано за Јувентус, обврските кон Лигата на шампиони завршија уште минатиот месец, па Португалецот реши да се позанимава со претставување на новиот хотел во Мароко.
Хотелот „ПестанаЦР7“ се наоѓа во Маракеш, ќе почне со работа во 2020 година и ќе биде трет во негова сопственост по објектите во Фунчал на родната Мадеира и во Лисабон кои работат со полна пареа. За наредната сезона планира да ја прошири својата хотелиерска империја во Мадрид и во Њујорк.
„Малку ми е чудно. Не можев да се замислам дека на 31 година ќе стана хотелиер. Горд сум што првиот го отворам во мојот роден град“, рече Роналдо во 2016 година во Мадеира.
Објектот во Мароко ќе има 168 соби, два ресторана, деловен центар, тератана, спа центар, базен, итн. Изборот на Маракеш падна поради многуте пријатели што португалската фудбалска ѕвезда ги има во градот како професионалниот кикбоксер, Бадр Хари, а заедно со Карим Бензема во минатото беше гостин и на прослава на новогодишна ноќ.