Водачот на шпанските социјалисти, Педро Санчез (46) положи заклетва пред кралот Фелипе Шести и официјално ја презеде премиерската функција во земјата. Свечениот чин се случи во палатата Сарсуела во Мадрид на ден по барањето за гласање на недоверба на неговиот претходник Маријано Рaхoj по тешките обвинувања и пресуди за корупција во Конзервативната народна партија на Шпанија.
Шпанскиот парламент со 180 гласа „за“ и 169 „против“ и еден воздржан изгласа смена на кабинетот на Рахој и инсталирање на Санчез на чело на Владата.
Шпанија е четврта економска сила во еврозоната и важи за влијателен член во рамки на Европската унија. Санчез, пак, и неговата партија се силни поддржувачи на политиките на официјален Брисел и опстанок на заедничката евро валута.
Санчез е седмиот премиер на Шпанија по враќање на демократијата во земјата во 1975 година по смртта на генералот Франсиско Франко кој важеше за диктатор.