Барселона ја декласира Севилја со 6:1 и се придружи на Валенсија и на Бетис во полуфиналето во Купот на Шпанија. Стрелци во убедливата победа на Каталонците на „Камп Ноу“ беа Филипе Кутињо во 13. минута од пенал и во 53. минута, Иван Ракитиќ во 31. минута, Серхи Роберто во 54. минута, Луис Суарез во 89. минута и Лионел Меси во втората минута од судиското надополнување. Единствениот за екипата од Андалузија беше дело на Гилерме Арана во 67. минута.
Бетис дури во продолженијата го елиминира Еспањол со 3:1. Мечот во основниот дел на стадионот „Бенито Вилјамарин“ заврши без победник 1:1 како што беше и по првата средба во Барселона за „зелено-белите“ преку Леон во 95. минута и Манди 99. минута, сепак, да успеат до полуфинале во кралскиот куп.
Валенсија во четврт-финалето го исфрли Хетафе (3:1, 0:1), а последниот полуфиналист ќе биде познат по реваншот меѓу Реал Мадрид и Џирона. „Кралевите“ имаат 4:2 од првиот меч на „Сантијаго Бернабеу“.
Куп на Шпанија – четвртфинале
Барселона – Севилја 6:1 (прв меч 0:2)
Бетис – Еспањол 1:1/по продолженија 3:1 (прв меч 1:1)
Валенсија – Хетафе 3:1 (прв меч 0:1)
Џирона – Реал Мадрид (четврток, 21.30 ч.)/(прв меч 2:4)