Доскорешниот претседател на Европскиот парламент Мартин Шулц кој е кандидат на Социјалдемократската партија за германски канцелар на овогодишните парламентарни избори денеска изјави дека е уверен во добар изборен резултат.
-Ќе победиме на изборите ако им покажаме на луѓето дека мислиме на нив, изјави Шулц, кој наскоро ќе го наслди Зигмар Габриел на чело на СДП.
Токму актуелниот лидер на СПД го предложи Шулц за противкандидат на Ангела Меркел бидејќи како што рече смета дека неговата партија ќе има повеќе шанси на изборите доколку некој друг биде кандидат.
Габриел кој е германски вицеканцелар и министер за економија, се откажа од кандидатурата поради недоволна поддршка што ја покажаа анектите, во кои Христијанскодемократската унија на канцеларката Меркел води со 36 отсто, додека СПД има 21 отсто поддршка од граѓаните.
Лидерот на социјалдемократите истакна дека Шулц едногласно е избран, а таа одлука в недела треба да го потврди и главниот одбор на партијата.
Претседателот на Германија Јоаким Гаук потврди дека изборите ќе се одржат на 24 септември.
Меркел ќе се обиде да освои четврти мандат, но неизвесно е кој ќе биде коалициски партнер во владата.