Како дестинациии притоа се наведуваат и Кингстон, Лондон, Хонг Конг, Панама, Дубаи, Гибралтар, но и Цирих
Истрагата на државното обвинителство во швајцарскиот кантон Обвалден во случајот на сомнеж со илегални финансиски трансакции на фирма во соопственост на синот на Здравко Мамиќ, Марио, е приведена кон крај. За неа пишува весникот „Луцернер Цајтунг“.
„Се уште траат роковите за жалба, но главниот дел од работата е завршен. Она со што се соочивме во случајот може да се нарече економски криминал од погруб вид“, изјави Естер Омлин, виша државна обвинителка, споменатиот швајцарски дневен весник.
Во истрагата заеднички работеле службите на државното обвинителство задолжени за економски прашања во кантоните Обвалден, Нивалден и Ури. Насочена била против седум лица.
Во фокусот на интерес била фирмата „Распорт Менаџмент АГ“ од Алпнах преку која, како што пишува „Луцернер Цајтунг“, се одвивал еден дел од трансакциите поврзани со фудбалскиот клуб Динамо Загреб. Правниот субјект е сопственост на Марио Мамиќ, син на Здравко Мамиќ.
„Конкретно станува збор за неосновани посреднички услуги како и за непостоечки трансфери на фудбалери“, истакна Омлин.
Марио Мамиќ
Како што пишува весникот, парите од Алпнах се трансферирале низ цел свет. Како дестинациии притоа се наведуваат Белизе, Кингстон, Лондон, Хонг Конг, Панама, Дубаи, Гибралтар, но и Цирих.
„Се работи вкупно за двоцифрен милионски износ“, вели обвинителката и додаде дека станува збор за „комплицирана и замрсена“ финансиска мрежа.
Надвор од истрагата остана швајцарскиот повереник преку кого е отворена фирмата во Алпнах бидејќи не постоеле индиции дека имал сознанија за нелегални активности.
Државното обвинителство на Швајцарија ја отвори истрагата врз основата на барањата за правна помош од Загреб.
