Рома го декласира Челзи со 3:0 в0 дербито на групата Ц и воопшто на вечерта во Лигата на шампиони (ЛШ) на УЕФА. Два гола за римјаните постигна Стефан ел Шарави, во листата на стрелци се запиша и Диего Пероти за преземање на лидерската позиција на табелата на две кола до крај на групната фаза.
„Волчицата“ поведе по само неколу додавања на нејзините фудбалери. Ел Шарави со удар од дистанца го совлада Тибо Куртоа во 39 секунда, а во 36 минута повторно подари причина за еуфорија на трибините на „Олимпико“. Асистент при првиот погодок беше Един Џеко, улога што при постигнување на вториот ја имаше Раџа Најнголан.
https://www.youtube.com/watch?v=s2ueasLGsdo
Изненадување приреди екипата на Карабаг која одигра 1:1 против Атлетико на „Ванда Метрополитано“ во Мадрид.
Баерн Минхен и ПСЖ, пак, се први екипи што обезбедија осминафинале во ЛШ. Баварците го совладаа Селтик во Глазгов со 2:1, а „светците“ во Париз го торпедираа Андерлехт со 5:0 и во преостанатите две кола има преостанува само борба за првото место во групата Б.
На чекор до најдобрите 16 се наоѓа и Манчестер јунајтед по триумфот над Бенфика со 2:0. Но, осминафиналната промоција на „црвените ѓаволи“ ја одложи ЦСКА Москва чии фудбалери, со пресврт, славеа над Базел со 2:1 во групата А.
Победник немаше во двата меча од четвртото коло во групата Д. Олимпијакос и Барселона одиграа 0:0 во Пиреја, по еден гол постигнаа Спортинг и Јувентус во Лисабон. Цел натпревар за португалскиот состав одигра Стефан Ристовски.
Лига на шампиони – 4 коло
Вечерва играат
Група А
Манчестер јунајтед – Бенфика 2:0
Базел – ЦСКА Москва 1:2
Табела: Манчестер јунајтед 12, Базел 6, ЦСКА Москва 6, Бенфика 0.
Идно коло (22 ноември): Базел – Манчестер јунајтед, ЦСКА Москва – Бенфика.
Група Б
Селтик – Баерн Минхен 1:2
ПСЖ – Андерлехт 5:0
Табела: ПСЖ 12, Баерн Минхен 9, Селтик 3, Андерлехт 0.
Идно коло (22 ноември): ПСЖ – Селтик, Андерлехт – Баерн Минхен.
Група Ц
Рома – Челзи 3:0
Атлетико Мадрид – Карабаг 1:1
Табела: Рома 8, Челзи 7, Атлетико Мадрид 3, Карабаг 2.
Идно коло (22 ноември): Атлетико Мадрид – Рома, Карабаг – Челзи.
Група Д
Олимпијакос – Барселона 0:0
Спортинг Лисабон – Јувентус 1:1
Табела: Барселона 10, Јувентус 7, Спортинг Лисабон 4, Олимпијакос 1.
Идно коло (22 ноември): Јувентус – Барселона, Спортинг Лисабон – Олимпијакос.