До Специјалното јавно обвинителство доставена е кривична пријава од СДСМ против јавниот обвинител Владимир Милошевски и други непознати лица, за која е оформен предмет.
„Предистражната постапка по овој предмет не се води против конкретно лице, туку се води како настан во рамки на кој се испитуваат евентуални кривично правни аспекти поврзани со наводите во кривичната пријава. Според тоа, не се точни информациите дека против обвинителот Владимир Милошевски се води предистражна постапка во ова Јавно обвинителство“, соопштија од СЈО.
Инаку утрово на рочиштето за случајот „Поткуп“, адвокатите на лидерот на СДСМ, Зоран Заев побараа од постапката да се изземе јавното обвинител Владимир Милошевски, затоа што бил под истрага на СЈО.
Јавниот обвинител Златко Бикоски го одби барањето на адвокатите на Заев.