Основното јавно обвинителство поднело три барања за обезбедување на податоци и документации за починатиот Коста Крпач. Основното бвинителство бара информации од Специјалното јавно обвинителство, од Министерството за внатрешни работи и Основниот суд Скопје 1, за како што велат, расветлување на случајот.
Од Основното обвинителство велат дека во тек се истражните дејствија за смртта на Крпач, и тие не можат да споделат детали за истрагата, како и за тоа дали се работи за убиство или самоубиство.
Коста Крпач (40) изминатиот четврток беше пронајден починат во својата спална соба, со прострелан рана во градниот кош.
Пред да настане смртта, тој испукал три куршуми во возило паркирано пред неговата зграда, кое било во сопственост на фирма за пиротехника „Огнометика“. Комбето било празно, а според МВР од се уште неразјаснети причини Крпач рафално ги испукал куршумите кон возилото.
Коста Крпач бил сведок нa Специјалното обвинителство, а неговото име се најде и на списокот на колективната аболиција на Иванов. До денеска, претседателот одбива да соопшти зошто ова лице е помилувано, иако против него СЈо тврди дека не се водела постапка, туку тој имал својство на сведок.