Релативниот победник на парламентарните избори во Словенија, Јанез Јанша го информираше претседателот дека нема доволно поддршка за формирање влада.
Тој вчера повика за формирање потенцијала коалиција на партии од десницата и центарот без три партии кои учествуваат во сегашната техничка влада на Миро Церар.
Јанша бараше предност во формирањето на идната коалиција да добијат двете најголеми партии во новиот состав на Парламентот, неговата Словенечка демократска партија (СДС) и Листата на Марјан Шарец.
Демохристијанската партија Нова Словенија пред два дена се повлече од преговорите за формирање нова Влада со Јанша, по што се отвора прашањето за одржување предвремени парламентарни избори во Словенија, објави Ројтерс.
По јунските парламентарни избори, словенечкиот Парламент е поделен меѓу повеќе мали партии. На тие избори победи десничарската Словенечка демократска странка (СДС) на Јанез Јанша, која сепак не успева да обебзеди парламентарно мнозинство за да формира Влада, иако се очекуваше дека ќе најде заеднички јазик со Матеј Тонин, лидерот на Нова Словенија.
И словенечкиот претседател Борут Пахор најави дека е можно одржување предвремени избори на есен, доколку ниту една од партиите не успее да формира владина коалиција.