Со двата гола во победата над Ирска: Роналдо се запиша во Гинисовата книга на рекорди

Португалската фудбалска ѕвезда Кристијано Роналдо го урна рекордот по бројот на постигнати голови на репрезентативен план со што си обезбеди место во Гинисовата книга на рекорди.

Со двата гола во победата над Ирска со 2:1 во квалификациите нза Светското првенство во Катар во 2022 година, Роналдо стигна до бројката од 111 погодоци за националниот тим и го мина Али Даеи кој во период од 1993 година до 2006 година даде 109 гола за Иран.

„Благодарност до Гинисовата книга на рекорди. Секогаш е добро да се биде препознат како светски рекордер. Ќе се обидам уште повеќе да ги погобрам бројките во иднина“, напиша Роналдо на Инстаграм.