Македонија за отприлика три часа ќе игра за четврт-финале на Светското првенство за ракометари до 21 година во Алжир. Противник е домашната селекција на турнирот покрај која избраниците на Илија Темелковски ќе мора да се справат и со поддршката од трибините што ќе биде на нејзина страна.
Алжирците се скенирани од стручниот штаб. Пред ракометарите се предочени нивните добри и слаби страни и ќе биде применета тактика за која се верува дека ќе придонесе за неутрализирање на првиот момент и искористување на вториот.
Најавите од „црвено-црниот“ табор одат во насока на оставање на срце на терен, но и настап без притисок вечерва (21.45 ч.). Примарната цел е остварена и се однесуваше на минување на групата, се што ќе биде забележано во нокаут фазите ќе претставува премија за македонските репрезентативни надежи.
Веќе се познати три четвртфиналисти на СП во Алжир. Франција, која го чека победникот од Алжир и Македонија, во осминафиналето славеше над Фарски Острови со 28:25, Тунис го елиминира Исланд по триумфот со 28:27, а Шпанија ја порази Аргентина со 27:21.
СП во ракомет (У21) – Алжир/осминафинале
Двојки и резултати
Франција – Фарски Острови 28:25
Тунис – Исланд 28:27
Шпанија – Аргентина 27:21
Германија – Шведска 26:26 (се играат продолженија)
Хрватска – Русија (19,30 ч.)
Унгарија – Словенија (19,30 ч.)
Алжир – Македонија (21,45 ч.)
Данска – Норвешка (21,45 ч.)