Нема пропусти во раководењето на полицијата при синоќешните протести во центарот на Скопје, изјави денеска министерот за внатрешни работи Оливер Спасовски.
Ова Спасовски го изјави непосредно по состанокот со началникот на СВР Скопје и апелираше до граѓаните на мирен начин, без насилство да го изразат својот протест и како што рече, да бидат партнери со полицијата.
Сепак, на новинарско прашање Спасовски одговори дека внатрешната контрола на МВР ќе испитува дали има употреба на прекумерна сила особено врз новинарот на Плусинфо Горан Наумовски кој синоќа беше повреден.
Наредбата за синоќешната акција на ЕБРД е издадена од одговорните од СВР Скопје, а министерот ги имал сите ингеренции да постапува според договорот.
На новинарско прашање дека четворица демонстрантите биле приведени на неселективен и груб начин на одење дома, а не за време на настанот и дека се уште се во станица иако формалната процедура била завршена за неколку часа, Спасовски одговори дека не знае од каде им е таа информација на новинарите, истакнувајќи дека сите се држат во полициска станица во согласност со законската процедура и дека е најдобро да се почека одлуката на Обвинителството.
Според МВР, во синоќешните настани приведени се 13 лица. Меѓу полицајците нема повредени.