Лидерот на ВМРО-ДПМНЕ, Никола Груевски оствари средба со пратеникот на германскиот Бундестаг од ЦДУ, Торстен Фрај, којшто моментално е член на Комисијата за надворешни работи во Бундестагот, член на Комисијата за односи со ЕУ и член на парламентарната група за пријателство и врски со земјите од Југоисточна Европа.
– На средбата стана збор за претстојните парламентарни избори, како и надминувањето на политичката криза. Груевски истакна дека се исполнети сите услови за одржување на изборите и дека тие се излезот во насока на надминување на кризата. Груевски истакна дека граѓаните ќе имаат можност да одлучат за иднината на државата и да се определат меѓу концептот на градење и проекти, и концептот на создавање на кризи и деструкција застапуван од опозицијата, соопштува ВМРО-ДПМНЕ.
Исто така на средбата тие разговарале и за македонско – германските односи, особено за како што велат од владејачката партија, зголемениот број на германски инвестиции и нови фабрики во Македонија, вклучително и евро – атлантските интеграции.
Оттаму велат дека ВМРО-ДПМНЕ и ЦДУ како сестрински партии се долгогодишни партнери во рамките на Европската народна партија (ЕНП), со постојана соработка на билатерално и мултилатерално ниво.