Поранешниот албански јавен обвинител Адриатик Љаља поднел барање за азил до турските власти, откако минатата недела најде прибежиште во земјата. Неговото заминување во Турција беше соопштено на петочното заседание на колегиумот на Апелацискиот суд во Тирана кога отсуството го оправда со допис испратен од Турција. Неговиот правен застапник рече дека првпат слуша за тоа.
Поради огромното богатство што го стекнал како државен функционер тој требаше да подлежи на проверка на неговата работа како обвинител и потеклото на имотот или на т.н. систем Ветинг. Љаљ се сомничи и за директна вмешаност во непокренувањето на обвиненија против голем број криминални групи во земјата.
Тој и членовите на неговото семејство пред неколку месеци, како „непожелни“, не добија американска виза.
Познатиот албански политичар и екс министер за одбрана и здравство, Сабит Брокај оценува дека овој чекор Лала го направил со цел да се „засолни и избегне истрага и судење“.
„Ова не е прв случај Турција да биде место каде наоѓаат спас лица од опкружувањата на Сали Бериша. Тоа го направија и поранешниот шеф на албанската тајна служба Башким Газидеде, потоа Агим Шеху и други. Премиерот Еди Рама требаше да го разреши Љаља уште во првиот мандат на владата“, смета Брокај.
Засега нема официјална реакција од надлежните органи ниту потврда дека ќе се бара негова екстрадиција.