За НоваТВ од Софија, Биљана Божиновска
Премиерот на Бугарија, Кирил Петков со највисоки државни почести ја пречека македонската владина делегација во Софија.
Со интонирање на химната на Република Северна Македонија и на химната на Република Бугарија, делегацијата на Владата предводена од премиерот Димитар Ковачевски, свечено со највисоки државни почести беше пречекана на Плоштадот „Александар Невски“ во Софија. На свечената церемонија која се одржа пред Црквата Св. Александар Невски, претседателите на двете Влади, Димитар Ковачевски и Кирил Петков беа пречекани од воениот оркестар и националната гарда на Бугарија.
Двајцата премиери положија свежо свеќе пред познатиот „Споменик на незнаен војник“ во центарот на Софија, како и пред споменикот на Св. Кирил и Методиј. По свечениот пречек, двете делегации присуствуваа на отворање на претставништво на МИА во Културно информативниот центар во Софија, а доцна попладне Ковечевски и Петков ќе бидат гости во рекоратот на Софијскиот универзитет.
Заедничката седница на двете Влади ќе се одржи утре во 9 часот по локално време, по што ќе следи потпишување на билатерални документи и прес конференција на двајцата премиери, Димитар Ковачевски и Кирил Петков.
Претседсателот на Владата, Димитар Ковечевски, во текот на утрешниот ден предвидено е да се сретне и со претседателот на Бугарија, Румен Радев.
Премиерот Ковачевски, во официјалната посета на Бугарија е придружуван од првиот вицепремиер Артан Груби, заменик претседателот на Владата задолжен за економски прашања, Фатмир Битиќи, Славица Грковска, заменик на претседателот на Владата задолжен за политики за добро владеење, како и министрите, Бујар Османи за надворешни работи, министерот за финансии Фатмир Бесими, министетрот за економија Крешник Бектеши, министерот за земјоделство, шумарство и водостопанство Љупчо Николовски, министерот за образование и наука Јетон Шаќири, министерот за локална самоуправа Горан Милевски, министерката за култура Бисера Костадиновска-Стојчевска, министерот за транспорт и врски Благој Бочварски, министерот за животна средина и просторно планирање Насер Нуредини, министерот за информатичко општество и администрација Адмирим Алити, советникот за надворешни работи на Владата, Едмонд Адеми.