Светската тениска легенда Борис Бекер е ослободен од затвор по отслужување на осум месеци од казната и сега се соочува со депортација од Велика Британија, јави Асошиетед Прес.
55-годишниот Германец, кој живее во Велика Британија од 2012 година, беше ослободен денеска пред неговата депортација, објави британската новинска агенција Прес асоцијација, не наведувајќи извори.
Германскиот адвокат на Бекер одби веднаш да го коментира случајот на неговиот клиент.
Трикратниот шампион на Вимблдон во април беше осуден на 30 месеци затвор за незаконско префрлање големи суми пари и криење на имотот откако прогласи банкрот.
Тој беше осуден од лондонскиот суд по четири обвиненија според Законот за несолвентност, вклучително отстранување на имот, прикривање долг и две точки од обвинението за непријавување на имотот.
Бекер стана ѕвезда во 1985 година, на 17-годишна возраст, кога стана првиот непознат играч кој ја освоил титулата во сингл Вимблдон.
Поранешниот светски рекет број еден прогласи банкрот во јуни 2017 година.